Nivelirləmənin çaylardan və dərələrdən keçirilməsi

Çayın bir sahilindən digərinə yüksəklik çayın enindən asılı olaraq aşağıdakı kimi verilir:

1.Eni 300 m-ə qədər olan çaylarınbir sahilindən digərinə yüksəklik vermək üçün hər iki sahildə nöqtələr-K və L bərkidilir. K nöqtəsinə yüksəklik gedişdən verilir. L nöqtəsinə yüksəklik vermək üçün K vəL nöqtələrindən 20 m aralıda J₁ və J₂ nöqtələrində nivelir qurulur. Eyni vaxtda hər iki nivelir əvvəlcə öz  sahilindəki nöqtədə tutulmuş tamasadan, sonra isə o biri sahildəki tamasadan hesabat götürülür. Bu halda hər iki tamasadan alınan hesabatların fərqi nivelirlər üzrə bir-birinə yaxın olacaqdır. Nivelirlər üzrə təyin olunmuş nisbi yüksəkliklərin orta qiymətinə və Knöqtəsinin yüksəkliyinə əsasən L nöqtəsinin mütləq yüksəkliyi tapılır. Bu əməliyyatı bir nivelir ilə də aparmaq olar.

2. Çayın eni 300 m-dən  çox olduqda tamasadan hesabat almaq çətinləşir, ona görə tamasaya xüsusi marka taxılır. Marka, ortasında ağ rənglə zolaq çəkilmiş qara lövhədən ibarətdir. Tamasadan hesabat almaq üçün ağ zolağın ortasında nazik cizgili pəncərə açılmışdır. Bu cizgi üzrə tamasalardan hesabat götürülür. Orta sapın proeksiyası zolağın tən ortasına düşdükdə müşahidəçinin işarəsi ilə tamasaçı markanı bağlayır və tamasadan hesabat götürülür.